Ribeira Sacra

A Xunta acolle a Eduardo Iglesias na cidade da cultura

O vicepresidente económico e conselleiro de Economía, Empresa e Innovación, Francisco Conde, mantivo hoxe un encontro na Cidade da Cultura co piloto de motos monfortino Eduardo Iglesias, a quen desexou todos os éxitos para disputar o que será o seu terceiro Dakar.

Ao igual que no 2021, o deportista do Team Monforte Rally contará co apoio da Xunta de Galicia, a través de Galicia Calidade e a Secretaría Xeral para o Deporte. “É un orgullo que Eduardo sexa abandeirado do selo Galicia Calidade no Dakar 2022, reivindicando o talento do deporte e dos deportistas galegos”, sinalou Conde, facendo referencia a que nesta aventura terá de novo o recoñecemento de toda a sociedade galega.

O vicepresidente económico destacou a contribución de Eduardo Iglesias á visibilización tamén do Xacobeo 2021-2022 nunha das competicións máis esixentes do mundo do motor, e que cada ano seguen medios de comunicación de todo o mundo. VÍDEO: PEPE FERRÍN.

Comentarios