Arranca a IV Volta Ciclista ás Comarcas de Lugo

A IV Volta Ciclista ás Comarcas de Lugo, Desafío Volta Lugo 2018 deu comezo este venres ás 11.00 horas coa participación de 200 corredores chegados de todo o territorio nacional e do norte de Portugal. Os ciclistas percorrerán 12 concellos da provincia de Lugo ao longo da fin de semana. O Goberno da Deputación é o principal patrocinador deste evento, organizado polo Club Cidade de Lugo, cunha achega de 65.000 euros, sendo xunto cos Concellos da Fonsagrada, A Pontenova e Lugo, as únicas administracións que colaboran. Aos 200 participantes hai que engadir os acompañantes e afeccionados á bicicleta que durante tres días se darán cita na nosa provincia, enchendo os hoteis e locais de restauración dos concellos polos que transcorre o percorrido, e deixando uns beneficios próximos aos 100.000 mil euros. Destaca a participación dun ciclista de luxo como é Joseba Beloki. VÍDEO: XESÚS PONTE