Ribadeo estrea campo de fútbol na ponte de San Xosé

Durante esta ponte festiva terá lugar a posta de largo do remodelado campo de fútbol municipal Pepe Barrera. Debido á situación sanitaria que estamos a vivir non haberá acto de inauguración. O Ribadeo FC xogará no Pepe Barrera este venres e o domingo e algunhas categorías da SD Ribadeo farán o propio o sábado. Está permitido o acceso de público cumprindo con todas as normas sanitarias en vigor en cada momento: aforo, toma de temperatura e de datos persoais, etc. O alcalde ribadense, Fernando Suárez, subliña que o Pepe Barrera é un dos mellores campos de herba natural do país, tras a importante remodelación á que foi sometido.