O IES Vilar Ponte de Viveiro conmemora o seu 50º aniversario

O IES Vilar Ponte celebra este martes o seu 50º aniversario. Trátase dun "símbolo para a cidade", en palabras da alcaldesa María Loureiro, e un referente educativo da comarca para outros participantes. Moitos dos seus profesores e exdocentes fixeron un chamamento á calidade e á vocación no ensino. No acto participou a súa primeira directora, Maria Luisa Vázquez Justo. Foi con ela con quen naceu o instituto como unha comisión delegada do Instituto Masculino de Lugo, hoxe Lucus Augusti, para que os rapaces non tiveran que desprazarse á capital a estudar. VÍDEO: XAVIER LOMBARDERO