Antón Losada chama a participar na marcha en Viveiro: "Porque A Mariña ten futuro"

O profesor de universidade e periodista Antón Losada sumouse aos chamamentos á participación na mobilización convocada para o domingo 7 de xuño en Viveiro para reclamar que se manteña a actividade na planta de Alcoa. "Porque San Cibrao ten futuro, porque A Mariña ten futuro, porque é o xusto e porque é hora de que os gobernos deixen de dar escusas e poñan enriba da mesa o que os traballadores merecen: solucións", di Losada, nacido en Xove e cuxo pai traballou na factoría. "Uns poderedes acudir presencialmente e outros teremos que facelo virtualmente por mor das restricións do estado de alarma", constata.