Mide dous por dous metros. É a empanaza de mazá máis grande de Galicia. Veu en tractor desde a panadería Martiñán para facer as delicias dos participantes nas Festas de Corvelle que organizan a asociación de veciños.
Ademáis e por se a empanada era pouca cousa, tamén elaboraron dous bolos preñados de dous metros cada un. Pili Pampín, Grupo Fusión e Eureka puxeron a banda sonora á degustación.
Este sábado a festa proseguerá e o prato forte da xornada será o concerto de King Africa.
