IGUAL que se cometeu hai 30 anos o erro de levar a autovía da Meseta pola Montaña luguesa logo de bifurcala en Benavente cara A Coruña e Vigo, reproduciuse a equivocación co Ave ao optar por Ourense como acceso en vez de deseñalo por Monforte con conexión sur ata Vigo e Santiago e norte cara A Coruña. Pero xa non hai remedio. E Lugo queda descolgado. Agora din que haberá alta velocidade, iso significaría que en pouco máis de media hora chegaríase a Ourense porque a distancia é pouco superior aos cen quilómetros aínda que se arrodee por Monforte, pois considérase que os trens non baixarán de 200 por hora ao tratarse de liña reformada. Pero esa reforma integral ten que contemplarse no Boe, as palabras dos representantes públicos nada valen se non van acompañadas de texto oficial máis aló de boas intencións ata 2020 e iso semella tan distante como Lugo de Ourense, ou Madrid.
