NUNCA PODERÍA imaxinar que os baleares nos envexaran polo sol. Pois parece que si, pero non pola ausencia de nubarróns, senón porque aquí anoitece máis tarde. Evidente que entre Cataluña-Baleares e Galicia sempre haberá case unha hora de diferencia na saída e na posta do sol. E desde que se inicia o horario de inverno aquí anoitece ás seis e pico, polo que nas illas será pouco máis aló das cinco se se mantén unificado o horario. Nin sería un trauma que na España peninsular houbera dous fusos -en Estados Unidos existen catro, sen contar os de Alaska e Hawai- nin que se instaurara o mesmo que teñen Gran Bretaña, Portugal ou unha parte de España, Canarias. Seguir co de Alemaña por un xesto que lle fixo Franco a Hitler en 1940 non ten sentido cando o meridiano de Greenwich pasa entre Aragón e Cataluña. Relacionalo coa unidade estatal é ver pantasmas onde non as hai.
