Opinión

A campaña máis anómala

REMATOU a campaña electoral máis anómala da democracia, marcada porque uns candidatos non puideron participar por estar na cadea e outros tiveron que reconverterse en hologramas para lograr presenza virtual desde a distancia de Bruxelas. A singularidade xa comezou coa súa convocatoria, por parte do presidente español en vez de polo autonómico, e continuou coa gran produción xurídica da xunta electoral debido aos múltiples recursos dos partidos constitucionalistas incluso para poñer límites aos medios de comunicación, un chanzo máis da política xudicial emprendida polo Goberno como única saída ao conflito que divide Cataluña á metade e que ameaza con facer ingobernable a comunidade polas posicións antagónicas das partes, que nesta campaña lonxe de suavizarse agraváronse. Difícil que as eleccións sirvan de ponte entre as dúas beiras da pronunciada fenda.

Comentarios