Opinión

Suspenso xeral en setembro

A VER, políticos, estas son as súas cualificacións de setembro:
Mariano Rajoy: suspenso. Por rexeitar tras as eleccións do 20-D elaborar o pacto de investidura con Cidadáns que agora —oito meses despois?— si presentou, cedendo entón a iniciativa e a responsabilidade de formar goberno ao señor Sánchez.
Pedro Sánchez: suspenso. Por sacar o peor resultado electoral do PSOE en toda a historia e negarse agora a facilitar o goberno a Rajoy —iso si, obrigándolle a aceptar algunhas medidas económicas, sociais, educativas... que defenden os socialistas—, sen ter unha alternativa viable, que se saiba.
Pablo Iglesias: suspenso. Por propiciar as eleccións do 26-J tras impedir que PSOE e C´s gobernasen en minoría, a pesar de que presentaron no hemiciclo un pacto de goberno, sen ter Podemos outra opción coherente.
Albert Rivera: suspenso. Por implantar un réxime de vetos a certos partidos, algo inadmisible en política.
Ningún deles debía de estar en clase cando se explicou a seguinte máxima de Winston Churchill: «A democracia é a necesidade de dobregarse de cando en vez ás opinións dos demais».

Comentarios