Opinión

Benvidos á Guerra Fría

Isabel Díaz Ayuso. EFE
photo_camera Isabel Díaz Ayuso. EFE

DEITÁMONOS O domingo con Pablo Iglesias de vicepresidente e amencemos o luns con el de candidato á Comunidade de Madrid. Ayuso e Casado tuitearon ao compás "comunismo o libertad" e eu xa non sei se estamos na Guerra Fría ou avanzado o século XXI.

A dimisión de Toni Cantó e o anuncio de que retomaba a súa carreira como actor non axudou a situármonos no espazo-tempo. Nin a chiscadela de Iglesias a Errejón, nese eterno movemento da esquerda de romperse-xuntarse-romperse para acabar en ningunha parte.

Son tempos duros para os que, desde a periferia, nos amola ese foco permanentemente colocado sobre Madrid. Veñen por diante meses de directos desde a Porta do Sol e espídicas xornadas de "periodismo" en planeta Ferreras.

Semella que os políticos estaban agardando doentes a que o virus se agochara un chisco para retomar o xogo das cadeiras. Lembran a pandemia? 

Comentarios