HAI UNS días, por razóns de traballo, percorrín en Sarria nunha mesma noite tres ceas de Nadal do máis variado. Estiven na xuntanza da asociación xuvenil Xaora e o que se respiraba era política, toda unha exhibición ao servizo dos intereses presidencialistas do popular
Manuel Sangil. Pasei pola cea de Inelcom e o que prevalecía era emprego, o que xenera a maior compañía da comarca, con 360 persoas en nómina. E rematei na xuntanza do Concello de Sarria, onde asomaba un discurso contraditorio, que tanto sostén que non hai fondos nas arcas municipais como destina cartos públicos a unha comida de traballadores e políticos.