Opinión

Viraxe que provoca un terremoto

PARECÍA que non, pero pode ser que si. Este ano non debería de haber máis eleccións en ningún territorio español, desbotada a posibilidade de adianto das xerais como algúns especularon polas desavinzas do Goberno, pero quen as pode convocar sabe que o escenario non diferiría demasiado do actual, polo que sería volver empezar; entón, para que? Pero o cambio de bando de Cs en Murcia provocou un terremoto político que pode desembocar en urnas nalgunhas comunidades. E todo pola volta ás raíces dun partido que naceu como transversal pero que se inclinou á dereita ata culminar na foto de Colón, e agora retrocede de tal xeito que pode estar no executivo andaluz co PP e no murciano co PSOE; bisagra ao xeito do FDP alemán, liberal con máis de 70 anos de historia e na actualidade gobernando cos conservadores do CDU en Renania do Norte e cos socialdemócratas do SPD en Renania Palatinado. Sen máis cordón sanitario que a extrema dereita.

Comentarios