jueves. 26.11.2020 |
El tiempo
jueves. 26.11.2020
El tiempo

Falar do pasado

Volvemos ao século XX. No Parlamento español parece que as súas señorías teñen gran querenza polo pasado. Fálase de Eta, de Franco, ou incluso do MPAIAC, o grupo independentista canario que deixou as armas pouco despois da Transición. Certo que algún grupo político añora o vello réxime e outro que aínda segue enxalzando autores de atentados, pero nos dous casos, pola ultradereita un e pola extrema esquerda outro, están integrados xa no sistema democrático. 

É lóxico que segundo quen sexa causen malestar polas súas posturas, pero mentres non superen os límites legais son tan respectables como os demais. E á parte xa foron branqueados ao participar en pactos institucionais para formar executivos ou para gobernar, Vox en Andalucía, Madrid ou Murcia; Bildu en Navarra ou hai xa algún tempo en Vitoria cando o PP ostentaba a alcaldía. Eta está morta e enterrada e Franco tamén, neste caso dobremente, pero ás veces parecen avivecer.

Falar do pasado
comentarios