ON COMETEU erros políticos, de feito algúns acertos servíronlle de renda ante os españois durante décadas, como a súa postura diante do golpe de Estado; pero incorreu en moitos outros, económicos e éticos, que ás veces ían unidos no mesmo desatino. Todos eles permaneceron ocultos, consentidos por poderes públicos e privados que ante as sospeitas viraban a vista, ata que se concatenaron corruptelas desenmascaradas ás veces por el mesmo nunha traxectoria que se vai tinguindo de escuro cada chanzo que dá no seu intento de branqueo. Para frear o deterioro da súa imaxe emprendeu campañas que ás veces tiveron efecto rebote, polo que primeiro a abdicación e logo a fuxida eran intentos salvadores dunha institución en entredito á que nada axuda o recoñecemento dos seus delitos. Se volve a España, aínda que sexa uns días, tampouco, porque para a monarquía todo o que faga será prexudicial cando a situación fiscal aínda non está resolta.
