Opinión

Aberto ao mundo

ESTE MES cumpríronse 35 anos da apertura do enreixado que separaba o Peñón do Campo de Xibraltar. Era daquela ministro de Asuntos Exteriores Fernando Morán. Ese mesmo 1985 asinou a entrada de España na Comunidade Económica Europea, logo reconvertida na actual Unión Europea, pouco antes de deixar o Goberno para encargarse da embaixada diante das Nacións Unidas. Foi moito máis o político socialista asturiano, pero do seu denso currículo sobresaen uns servizos que significaron a apertura de España a Europa, logo da autarquía e da ditadura que tiveron o país apartado do mundo. Herdeiros do franquismo alzan agora voces contra a UE sobre todo por sentenzas contra España polo procés e arrastrados con envexa polo Brexit abandeirado de impermeabilizar as fronteiras á inmigración como unha involución ultranacionalista que tardou décadas en ser superada. Un fondo desgusto para quen deixa o europeísmo como herdanza.

Comentarios