Imprimir

O Concello pontés esixe medidas a prol dunha transición enerxética xusta

Tania Forja | 11 de julio de 2019

Central térmica das Pontes. AEP
Central térmica das Pontes. AEP

Todos os representantes municipais aprobaron hoxe por unanimidade unha declación institucional para a creación dunha mesa de traballo integrada por todos os actores implicados.

O Concello das Pontes vén de aprobar unha declaración institucional para esixir solucións á problemática xerada arredor da inactividade na central térmica de Endesa polos altos prezos das emisións do CO2.

Un dos acordos aos que chegaron todas as forzas políticas foi o de solicitar ao Ministerio de Transición Ecolóxica a creación dunha mesa de traballo, na que todos os actores afectados estean presentes, co fin de estudar e levar a cabo medidas paliativas que garantan a continuidade  produtiva dos complexos térmicos. O obxectivo é lograr condicións de competitividade e rendibilidade dos investimentos realizadas nos últimos anos, así como manter os postos de traballo. 

A térmica pontesa, seguirá en funcionamento ata máis aló de 2020 e investiranse 220 millóns de euros co fin de adaptar o complexo á Directiva de Emisións Industriais (DEI). Deste xeito, manteranse os postos de traballo directos e indirectos que crea e seguirá sendo un dos motores económicos da zona.

Por outra banda, o concello aprobou tamén esixir ao comisario europeo de Acción polo Clima e Enerxía a intervención no mercado de emisións de CO2 para impedir as prácticas puramente especulativas que afectan aos prezos da enerxía e, por conseguinte, aos sectores industriais do país. 

 

Podes ver este artigo na próxima dirección /gl/articulo/a-chaira/concello-pontes-esixe-creacion-dunha-mesa-traballo-prol-dunha-transicion-enerxetica-xusta/201907111844591386834.html


© 2020 El Progreso de Lugo

Rúa Ribadeo 5, Lugo

Tlfno: 982 29 81 00

(Grupo El Progreso)