Unha veciña de Antas de Ulla, Mercedes Otero, reclama unha parada de bus escolar diante da súa casa no lugar do Pazo, para que a súa filla, de cinco anos, non teña que percorrer diariamente os 700 metros que a separan da parada fixada na Cervela.
O centro educativo formalizou a petición á Consellería de Cultura, Educación e Ordenación Universitaria, pero este departamento denegouna por terceira vez hai uns días.
Otero indica que a súa filla ten que realizar ese camiño por unha estrada sen beiravía. Indica que non sempre pode acompañala á parada, e que é o seu avó, de 79 anos de idade, o que o fai. Pola contra, a nena tería que ir soa, "e é moi pequena para iso".
Con todo, tamén indica que a vía é compatible co tránsito do autobús, como así llo confirmou a empresa de transporte, e que, de realizar o desvío, este soamente suporía tres minutos no tempo de percorrido total.
De feito, a causa que a consellería esgrimiu para rexeitas a petición é que "con este desvío, ou bus non atinxiría a velocidade necesaria".