Un cartel sinalando cara a unha leira co rótulo WC Pádel sobre a frecha. Esa é a irónica fórmula que elixiron os usuarios das pistas de pádel de Monterroso para denunciar a ausencia de aseos e inodoros nas instalacións.
Ante esta carencia, as persoas que utilizan estas pistas só poden facer as súas necesidades nun prado próximo, precisamente, o lugar cara ao que marca a frecha.
Os atrasos que acumula o resto da obra deste complexo, que inclúe unha piscina climatizada e unha pista polideportiva cuberta, impide que os usuarios das pistas de pádel, que xa levan varios anos abertas, poidan acceder aos aseos.