Catro vehículos víronse involucrados nun accidente na N-640 ao seu paso polo termo municipal de Agolada, no lugar de Trascastro, na parroquia de Trabancas.
O sinistro produciuse cando un coche, que circulaba dirección Lugo, sufriu unha saída de vía. O condutor perdeu o control do vehículo, que acabou envorcado tras pasar encima dun varanda e terminar impactando contra tres coches que se atopaban estacionados diante dunha vivenda.
A pesar do aparatoso do accidente, o condutor e único ocupante do vehículo, un mozo duns 30 anos, só sufriu feridas leves nunha perna e non houbo que lamentar danos persoais maiores.
Ao lugar desprazáronse Protección Civil de Agolada, o alcalde do municipio, Luís Calvo, e axentes da Garda Civil de Tráfico.
