O Concello de Monterroso proxecta a creación dun espazo infantil multijuegos no pavillón do colexio Lorenzo Varela. O proxecto ten un custo de 133.000 euros, dos que 40.000 serán subvencionados pola Xunta de Galicia.
O alcalde, Antonio Gato, explicou que se trata dunha "iniciativa pioneira polas características das instalacións". A área de recreo contará cun deseño e un equipamento especial e incluso cunha zona reservada para os adultos que acompañen aos menores.
Este espazo multijuegos será
O rexedor monterrrosino precisou que a achega municipal para esta obra, que ascende a 83.000 euros, terá que ser financiada mediante un préstamo. Esta solicitude de crédito deberá ser aprobada polo pleno, no que Gato se atopa en minoría, co único apoio do concelleiro de Compromiso por Galicia.
CAMPAMENTOS. O departamento de Servizos Sociais de Monterroso prepara unha nova edición dos campamentos de verán para contribuír á conciliación da vida laboral e familiar.
As actividades, dirixidas a nenos entre os tres e os once anos, faranse en grupos reducidos pola pandemia. Cada un terá un máximo de sete alumnos, baixo a supervisión dunha coidadora.