martes. 20.08.2019 |
El tiempo
martes. 20.08.2019
El tiempo

A xunta electoral dálle a vitoria aos independentes en Monterroso

Antonio Gato y Rafael García. ARCHIVO
Antonio Gato y Rafael García. ARCHIVO

Desestima o recurso do PSOE polo voto que ía nun sobre das europeas e dá por bo un para Gato que tiña unha pequena rotura

A xunta electoral de Chantada deulle a vitoria nas eleccións municipais a Independientes por Monterroso, a formación encabezada por Antonio Gato, ao desestimar a reclamación do PSOE sobre un voto nulo. E non só iso, tamén deu por bo un sufraxio dado por nulo nun principio a IxM, ao considerar que a rotura que presentaba era de pequeño tamaño e nunha zona en branco da papeleta.

O reconto da noite electoral deparara un empate a 798 votos entre ambas informacións, pero coas decisión da xunta electoral IxM queda con 799 e catro concelleiros, e o PSOE de Rafael García cos mesmos sufraxios que tiña e tres edís.

Estas eran as argumentacións
Independentes por Monterroso presentou este xoves unha instancia á xunta electoral de Chantada en contestación á impugnación por parte dos socialistas do voto nulol, e na que a agrupación defendía que ese voto foi atopado na urna das europeas, e polo tanto non tería validez.

Para defender esta postura, IxM alude ao erro aparentemente "improbable" dos membros da mesa e dos interventores, que deixarían pasar un sobre azul á unha urna onde todos son brancos. Tamén indicaron que na páxina 23 do manual que rexe o funcionamento das mesas electorais, figura a consideración de nulidade para aqueles votos emitidos en sobres alterados.

No escrito, a agrupación de electores indicaba que, de ser considerado válido ese voto para o PSOE, tamén deberían considerarse como válidos outros dous votos para IxM que foron considerados nulos, un na urna das europeas -defenden a súa validez porque a súa formación só se presentou ás eleccións municipais- e outro cunha "simple rasgadura de apenas un centímetro, que está claro que no fue intencionada", di a instancia. Este finalmente foi dado por bo.

RÉPLICA DO PSOE. O candidato socialista á alcaldía, Rafael García Filgueira, defendía este xoves que o postulado de IxM era "rotundamente falso", e que "así o atesta a acta do escrutinio".

García indicou que o recurso que interpuxo o seu partido foi acompañado pola testemuña do presidente da mesa electoral e de dous vogais da mesma. "Poderíamos reunir máis testemuñas, se fose preciso", afirmou. Sobre os votos que reclaman agora os Independentes, indicou que pelexarán "pola invalidez dos votos que apareceron rachados".

A xunta electoral dálle a vitoria aos independentes en Monterroso
Comentarios