A Federación Empresarial de Serradoiros e Rematantes de Madeiras de Galicia (Fearmaga) apoia a instalación da fábrica de fibra téxtil da Altri en Pasporque "promoverá o desenvolvemento socioeconómico de Galicia e impulsará a competitividade da cadea de valor forestal-madeira". Directivos da entidade reuníronse na vila co alcalde, Pablo Taboada, para coñecer máis a fondo o proxecto.
Este colectivo, que aglutina a máis de 350 empresas que xeran uns 7.000 empregos, considera que Pas pode ser un exemplo máis da contribución da industria de transformación da madeira nos municipios rurais, onde desenvolven a súa actividade a gran maioría destas compañías e contribúen a fixar poboación.
Este colectivo sinala que, de acordo cos datos da Asociación Forestal de Galicia, a cadea de valor forestal-madeira xera case 300 millóns de euros en rendas para os propietarios de montes. A diferenza doutros sectores, "esta industria vertebra Galicia de norte a sur e do interior á costa", subliña o presidente de Fearmaga, Elier Ojea. Engade que o 89% dos municipios galegos teñen algunha industria de transformación da madeira como serradoiros, carpinterías, fabricación de taboleiro, pasta ou mobiliario.
A directiva de Fearmaga recorda que o Instituto Galego de Estatística constata a súa importancia para a economía de Galicia, xa que en 42 municipios representa o 30% das industrias asentadas. Por iso, solicita a axentes sociais e a administracións públicas que apoien a implantación do complexo industrial de Altri.
