Lunes. 19.11.2018 |
El tiempo
Lunes. 19.11.2018
El tiempo

Excelente acollida á exposición fotográfica de Peter Schneider en Pambre

Público, na exposición de Schneider no castelo de Pambre. EP
Público, na exposición de Schneider no castelo de Pambre. EP

A mostra, organizada polo Instituto de Estudos Ulloáns, pódese visitar no recinto do castelo ata o próximo 15 de xullo

A exposición de fotografías analóxicas do autor Peter Schneider, que permanece instalada na sala de mostras do castelo de Pambre, está a ter unha excelente acollida e nos últimos días foron centos as persoas que a visitaron.

Esta exposición, titulada En silencio - viaxando recolle unha serie de instantáneas de lugares visitados por este fotógrafo alemán, pero residente en Lugo. Trátase dunha mostra de fotografía en branco e negro, no que todo o proceso de negativo e positivado é obra do propio autor.

Para Peter Schneider a fotografía analóxica permite "outra forma de crear, máis pausada, que na dixital". O comisario da mostra, Braulio Vilariño, quen tamén é o coordinador de exposicións do Instituto de Estudos Ulloáns (IEU), destaca "a luz e a atmosfera que envolve cada unha das paisaxes" e incluso compara a visión de Schneider coa de Ruth Matilda Anderson, "en canto á súa inmersión na cultura galega".

Para Peter Schneider a fotografía analóxica permite outra forma de crear, máis pausada, que na dixital

Peter Schneider (1963) formouse como fotógrafo no seu Alemaña natal e en 1988 gañou unha bolsa de Arte Fotográfico do Estado Federal de Baja Sajonia, cunha serie sobre Galicia. Dez anos despois fixou a súa residencia en Galicia e desde hai anos vive en Lugo, onde realiza a súa actividade.

Parte deste percorrido vital ata o ano 2006 é o que recolle ao longo das 27 obras que ten instaladas no castelo de Pambre, onde se poden ver imaxes do Mar do Norte ou Eslovaquia, pero tamén os faros da Costa da Morte ou as illas Sisargas.

As obras pódense visitar ata o próximo día 15 de xuño, nos mesmos horarios e días nos que o castelo de Pambre está aberto ao público.

IES DO CAMIÑO. Paralelamente a esta mostra do fotógrafo alemán, a sala de exposicións do castelo de Pambre tamén acolle estes días outra exposición de pintura. Trátase dunha serie de obras realizadas por alumnos do IES do Camiño de Palas de Rei, que tamén está a ter unha especial acollida por parte do público, que destaca o gran nivel dos traballos expostos.

Excelente acollida á exposición fotográfica de Peter Schneider en...
Comentarios