O Concello de Melide acaba de lanzar unha campaña, denominada Coñece ao teu comerciante, coa que pretende impulsar o comercio local dando visibilidade aos veciños que rexentan establecementos deste sector. Esta proposta inclúe a colocación de carteis informativos e a repartición de vales de desconto entre a clientela.
O alcalde, José Manuel Pérez, presentou onte esta iniciativa acompañado do concelleiro de promoción económica, Xosé Igrexas
Cada comercio contará cun cartel con información detallada do mesmo, que se mostrará tamén noutros negocios. Por cada compra superior aos 20 euros nos comercios recibirase un vale de cinco euros de desconto que poderá trocarse nos locais participantes.