O Concello de Melide promoverá e financiará o proxecto técnico de restauración, conservación e posta en valor do singular cruceiro da vila, situado no Cantón de San Roque. O impulsor da iniciativa foi o Museo dá Terra de Melide, que leva anos reivindicando a protección deste ben patrimonial.
Para acometer a restauración, o museo melidao convocou a catro empresas galegas especializadas en restauración. O centro xustificou esta decisión en criterios de transparencia, "comparativa a nivel técnico -e non só económico- e para ter unha idea máis nidia sobre posibles variables non tocante
As empresas elixidas, precisamente polo seu amplo currículo en conservación de cruceiros, foron Árbore, BIC, Gonzalo Buceta e Tomos. A adxudicación aínda non se resolveu e corresponderá ao Concello de Melide.
Desde a institución museística, comprometeuse a facilitarlles a todas a información bibliográfica dispoñible sobre este ben patrimonial, "tan importante que debe ser tratado polas mellores mans, sen escatimarse esforzos", indicaron.
O Museo Terra de Melide considera que esta acción é imprescindible para dignificar este elemento artístico, e que a súa recuperación debe traducirse nun recurso de primeira orde en termos culturais e turísticos, para todos aqueles que visiten o municipio.
