O condutor dun cuadriciclo resultou ferido ao chocar o seu vehículo cun turismo da marca Audi na Nacional 547. O accidente produciuse na zona do Coto, no municipio de Melide, á altura de Desguaces Lual.
Efectivos do Subsector de Tráfico da Garda Civil, da Policía Local e de Protección Civil de Melide acudiron ao lugar do sinistro, do mesmo xeito que unha ambulancia de urxencias médicas do 061, que se encargou de trasladar o lesionado ao hospital de Santiago.