Un incendio dun tractor en Palas de Rei saldouse sen danos persoais. O suceso produciuse nunha pista entre Cebral e Cabana (Augas Santas). O condutor percibiu fume que saía do vehículo, probablemente debido a un fallo eléctrico, e deu a voz de alarma á central galega de urxencias ao redor das 20.15 horas.
Os efectivos de Protección Civil de Palas foron os primeiros en chegar ao lugar, pero non puideron evitar que o lume calcinase o vehículo. Si que evitaron, con todo, que se estendese á leira lindeira, o que aumentaba o risco de incendio forestal ao estar chea de zarzas. Efectivos do GES de Monterroso e da Garda Civil sumáronse ao operativo.
