LUGO. Benigno Campos, escritor e cociñeiro do espazo televisivo Larpeiros, será o pregoeiro da Festa do Queixo de Arzúa, que este ano celebra a súa edición número 44. A feira celebrarase os días 8, 9 e 10, terá 70 expositores que abarrotarán o recinto e contará con diversas actividades entre as que destaca o Festival do Queixo, que terá actuacións de grupos destacados como Os Segredos, Heredeiros da Crus ou Sés.
"O pregoeiro será Benigno Campos, que ademais de ser coñecido polo
García comentou que o día 7 inaugurarase a escultura homenaxe ao queixo de Arzúa creada por Cándido Pazos. O venres 8 arrincará a festa co XIII Concurso de Tapas e Petiscos Festa do Queixo, que se poderán degustar nos establecementos da vila entre as 18.00 e as 23.00 horas.
Outro dos aspectos destacados do fin de semana será a elaboración dun queixo xigante co mapa de Galicia, no que estarán representados os principais monumentos de Galicia.
O recinto feiral abrirá as súas portas o sábado 9 a partir das 11.00 horas. Nos expositores, ademais das queserías locais, atoparanse profesionais lucenses, así como zamoranos, leoneses e xente vinda de diversos puntos do estado. O programa arrincará cunha exposición de carteis ou a actuación do grupo O Bringuelo, e ás 12.00 horas Campos lerá o pregón. Pola tarde haberá talleres e pasacalles, e o recinto pechará ás 20.30 horas.
O domingo 10, a programación iniciarase ás 10.00 horas, e haberá nos mercado talleres e pasacalles. O recinto feiral pechará as súas portas ás 18.30.
