viernes. 17.09.2021 |
El tiempo
viernes. 17.09.2021
El tiempo

Aparecen unhas pintadas homófobas no Campo do Caracacho en Monterroso

Unha das pintadas realizadas no parque do Caracacho. EP
Unha das pintadas realizadas no parque do Caracacho. EP
O Concello de Monterroso e o Colectivo Agrocuir da Ulloa condenaron nas súas redes este acto de vandalismo e de odio

O Campo do Caracho, lugar de encontro da terceira idade e de xogo infantil, apareceu esta semana pintado con insultos ao colectivo LGBTIQA+. A alcaldesa da vila, Rocío Seijas, desaproba os feitos: "Dende o equipo de goberno pronunciamos o noso rexeitamento total e absoluto aos actos vandálicos, especialmente aos que son de odio". Seijas destaca a gravidade do suceso, especialmente no contexto de mobilizacións e protestas polo crime homófobo da Coruña, ás que a vila se sumou.

Ademais a alcaldesa móstrase especialmente consternada por ter sucedido nun concello e nunha zona cunha importante actividade reivinticativa, coa que a cidadanía non só é respectuosa, senón que participa activamente dela. Sinala que o activismo LGBTIQA+ leva moitos anos asentado na vila sen que se producise ningún tipo de repulsa por parte da veciñanza, o que fai máis chocante o ataque.

O Concello vai proceder co borrado das pintadas e a maiores van convertir o lugar nun espazo de homenaxe ao Colectivo Agrocuir da Ulloa, que naceu no municipio e reclama dereitos para a comunidade LGTBIQA+ no rural.

Aparecen unhas pintadas homófobas no Campo do Caracacho en Monterroso
comentarios