O incendio da cheminea dunha casa en pleno centro urbano monterrosino xerou alarma entre os veciños e obrigou a intervir ao GES con base no municipio.
O contratempo produciuse sobre as 12.30 horas nunha vivenda unifamiliar da Avenida de Lugo. A veciña afectada alertou ao GES, que, tras avisar ao 112 da urxencia, desprazouse ata a zona e logrou sufocar o lume antes de que as chamas alcanzasen outras partes do inmoble. Preocupaba especialmente que se propagasen ao tellado, de madeira, pero estes efectivos conseguiron evitalo. Tamén se mobilizou a axentes da Garda Civil.
