PORTOMARÍN destila un especial encanto. O pobo foi declarado conxunto histórico artístico en 1946, aínda que o novo núcleo apenas supera os cincuenta anos, pois foi inaugurado en 1963. Situado en pleno Camiño Francés, Portomarín estivo durante séculos situado a beiras do Miño, pero a construción do encoro de Belesar obrigou a alagar a zona na que se atopaba emprazado, polo que moitas edificacións trasladáronse pedra a pedra entre os anos 1962 e 1963 para volver e levantarse sobre a ladeira do outeiro do Monte do Cristo onde se sitúa actualmente a vila.
CAMIñO FRANCÉS. Como resultado deste laborioso traballo salváronse da auga moitas edificacións, algunhas delas de gran valor histórico, por exemplo, a igrexa de San Nicolás
Outras mostras do impresionante patrimonio histórico e arquitectónico da vila son o templo de San Pedro, a escalinata, a capela das Neves, o pazo Conde da Maza e o de Pimentel.
O Camiño percorre 13 quilómetros polo municipio, desde Monteagra a
Portomarín acolle periodicamente trofeos xacobeos de navegación fluvial
Desde Vilachá, aínda en Paradela, xa se divisan as terras de Portomarín, cerca do mosteiro de Ribaloio, onde puido ter a súa orixe a Orde de Santiago. A ruta xacobea abandona Portomarín polo monte de San Antonio, unha zona de gran riqueza natural e paisaxística, con praderías e viñedos.
á altura da fábrica de cerámica iníciase o descenso cara a Toixibó e Gonzar, e despois continúase cara a Castromaior, onde está situada a igrexa románica de Santa María.
SENDEIRISMO. Entre os grandes atractivos de Portomarín destaca o o castro de Castromaior, escavado parcialmente e moi ben conservado porque o terreo onde se atopa nunca foi cultivado. Estivo ocupado desde o século IV a.C. ata o I d.C. e nel poden verse parte das murallas e das vivendas. A visita ao xacemento arqueolóxico non supón ningún rodeo nin desvío para o peregrino.
DE INTERÉS
Sendeirismo: A ruta do río Ferreira transcorre a beiras do caudal por Zazar, San Clodio ou San Fiz, por muíños e pontes.
Gastronomía: Empanada, anguías do Loio, augardente e Torta de Portomarín son os emblemas.