A pesar dos estragos causados pola pandemia no panorama festivo de toda Galicia aínda hai quen non se resigna a pasar outro ano máis sen a súa festa favorita. Por iso, en distintos puntos da xeografía galega regresarán moitas celebracións tradicionais, iso si, adaptadas ás circunstancias.
Virxe do Carmen
A festa da Virxe do Carmen ten unha enorme importancia para todas as poboacións costeiras galegas xa que é a patroa do mar. Todos os 16 de xullo realízanse procesións de embarcacións marítimas nas distintas rías. Marín, unha das localidades nas que esta celebración se vive máis intensamente, posto que en honra á Virxe do Carmen teñen lugar as festas máis importante do ano: talleres, espectáculos, concertos, competicións... 
Festa do Apóstolo
Na capital galega, en pleno ano Xacobeo, a Festa do Apóstolo terá lugar, aínda que cunha programación moi limitada. Esta festividade, que adoita ocupar a segunda parte do mes de xullo e que ten como día grande o 25, non terá un gran número de eventos como en anos anteriores, pero si os tradicionais fogos artificiais. Para evitar aglomeracións lanzaranse desde distintos puntos de Santiago, conseguindo un espectáculo único.
Festa do Albariño
Este ano tampouco vai faltar a festa en honra a un dos produtos máis recoñecidos do territorio galego, o albariño. En Cambados leva organizando desde os anos 50 unha celebración na que a xente, a música, a comida e o viño xúntanse durante uns días. Esta edición chegará lixeiramente antes que en anos anteriores, os primeiros días de agosto, pero as restricións non impedirán a celebración de concertos, actuacións e degustacións, iso si, con aforamentos e medidas acordes á situación.
Romaría Viquinga de Catoira
É quizais unha das celebracións máis icónicas e ilustres de toda Galicia. Este ano retomará a acción o primeiro domingo de agosto, a súa data tradicional. Os barcos viquingos volverán asucar a Ría de Arousa na tradicional Romaríacelebración en honra aos antepasados que loitaron na defensa de Galicia, pero esta vez será algo distinto. A ausencia de abundante tripulación nos barcos suplirase cun maior número de embarcacións, que recuperarán o espírito viquingo desta festa situada no municipio pontevedrés de Catoira.
Festival de Pardiñas
Entre o 6 e o 8 de agosto terá lugar o Festival de Pardiñas o municipio lucense de Guitiriz. Esta festa ten como eixo vertebrador a música tradicional, tanto galega como internacional. A iso engádense todo tipo de eventos relacionados coa cultura popular, como poesía, debuxo, escultura...
Festas do polbo en Baldráns e O Carballiño
Pasando ao gastronómico, destacan dúas festas do polbo a algo menos de 100 quilómetros de distancia entre elas. A primeira é a XXVIII Romaría do Polbo á Feira que terá lugar na parroquia de Baldráns, pertencente ao municipio de Tui, o sábado 10 de xullo. Para a ocasión non faltará a actuación dunha orquestra. Iso si, o aforamento está reducido unicamente a 500 persoas.
Doutra banda, en O Carballiño terá lugar a Festa do Polbo celebración con máis de 50 anos de historia e que edición tras edición congrega a miles de persoas. Esta festa é sempre o segundo domingo de agosto, polo que se celebrará este ano o día 8.
Descenso Internacional do Miño
O Descenso Internacional do Miño é unha competición histórica convertida cos anos nunha festividade para as localidades de Salvaterra e Tui. Ademais, está recoñecida como unha Festa de Interese Turístico de Galicia. Tras o duro traxecto de 17 quilómetros a remo que percorren os participantes, celébrase unha romaría popular a cargo de grupos folklóricos. O descenso será
Danza de San Roque
Tamén ao sur da comunidade, na parroquia canguesa de Hío, celébrase o 16 de agosto a Danza de San Roque. Trátase dun baile tradicional que se remonta ao século XV e que segue tendo unha gran importancia na actualidade. Apenas son 16 os bailaríns que se encargan de levar a cabo o espectáculo, todos homes, e que teñen distintos roles dentro da danza.
Rapa das Bestas de Sabucedo
Outra das festas máis recoñecidas de Galicia e cun importante peso internacional volverá celebrarse cunha redución de aforamento e un histórico cambio de data. A Rapa das Bestas de Sabucedo (A Estrada) celebrarase os días 27, 28 e 29 de agosto en lugar de no primeiro fin de semana de xullo. O aforamento habitual verase reducido debido ás restricións, igual que serán adaptadas as actuacións musicais habituais. Esta festa representa unha práctica tradicional do rural galego nos que os homes loitan contra os animais para lograr desparasitarlos.
