Varios vehículos rexistraron danos a primeira hora da mañá deste martes en Santiago de Compostela despois de que un camión que circulaba pola AP-9 perdese parte da súa carga. Segundo informa o 112 Galicia, uns tres vehículos finalizaron con danos ao impactar coa carga que transportaba o camión no punto quilométrico 66,500 da autoestrada, sen que ningunha persoa resultase ferida.
Foron varios particulares quen alertaron ao 112 Galicia do ocorrido uns minutos antes das 7.50 horas. A central do servizo de urxencias puxo os feitos en coñecemento da Garda Civil de Tráfico, do servizo de mantemento da autoestrada e da Policía Local.
