Un home faleceu nas últimas horas ao chocar a moto que conducía contra un vehículo no termo municipal de Ribadumia.
Fontes da Garda Civil de Tráfico informaron de que o accidente tivo lugar ao redor das once e media da noite de onte no quilómetro 0,600 da estrada VG 4.2.
O sinistro produciuse cando unha moto de gran cilindrada conducida por un home de 40 anos, A.T.M., chocou de xeito violento e por alcance cun turismo que circulaba no mesmo sentido.
Os axentes de Tráfico interromperon de xeito intermitente a circulación no lugar do accidente mentres o persoal sanitario realizaba ao ferido manobras de reanimación. O home faleceu no lugar a pesar dos esforzos dos servizos sanitarios.
Ata o punto do accidente desprazáronse varias patrullas da Garda Civil, varias ambulancias e Policía Local de Cambados.