Un turista británico de 25 anos atópase en estado grave logo de precipitarse desde un sexto piso dun hotel da localidade mallorquina de Magaluf, segundo informou a Efe o servizo de ambulancias do 061.
Presuntamente, trátase da vítima número 15 deste ano pola práctica do balconing, que custou a vida a sete delas.
O 061 non concretou as circunstancias deste suceso ocorrido sobre as 3.25 horas deste venres, no hotel TRH Magaluf.
O mozo caeu ao patio interior do hotel, desde unha altura aproximada de oito metros e sofre un traumatismo cranioencefálico grave.
O feito produciu unha gran consternación entre os amigos da vítima, que intentaron achegarse ao mozo mentres era atendido polos servizos sanitarios.
Ao lugar do suceso desprazáronse patrullas da Policía Local de Calvià, Garda Civil e dúas ambulancias do 061.
