A Policía Nacional detivo tres mozos, con idades comprendidas entre os 22 e 28 anos, que presuntamente desvalixaron dous lavadoiros de coches nas estradas de Cedeira (Narón) e Catabois (Ferrol).
Segundo informan fontes policiais, os tres detidos pasaron hoxe a disposición xudicial en Ferrol.
A policía impútalles varios delitos de roubo con forza nos dous establecementos.
Presuntamente causaron desfeitas nas máquinas, aspiradores e demais material dunha empresa de autolavado de vehículos, que quedou inutilizada, para levar a recadación da caixa.
Un dos mozos arrestados intentou escapar nun vehículo e na fuxida tratou de arroiar o axente que o ía deter, segundo a mesma fonte.
