Unha muller de 65 anos que ía ser desafiuzada este luns da súa casa de Madrid faleceu tras tirarse desde o seu domicilio no quinto piso dun bloque de vivendas do distrito de Chamberí, segundo confirmaron a Efe fontes da Policía Municipal.
Ata a vivenda da muller, situada na rúa Ramiro II número 1, acudiu ao redor das once da mañá un axente xudicial acompañado dunha patrulla da Policía Municipal de Madrid para facer efectivo o lanzamento, segundo explicaron as mesmas fontes.
Sanitarios do Samur Protección Civil desprazáronse ata o lugar para atendela, pero non puideron facer nada para salvar a súa vida.
