A saída de vía dun camón cisterna que transportaba leite afectou este luns ao tráfico nun carril da autovía A-6 á altura do termo municipal de Betanzos.
Segundo informaron a Europa Press fontes do 112 Galicia, o sinistro tivo lugar sobre as 6.45 horas deste luns no quilómetro 567 da A-6 dirección Madrid.
Tras o aviso dun condutor, o 112 informou ao 061, aos Bombeiros de Betanzos, Garda Civil de Tráfico e Protección Civil da localidade, que indicou que a persoa que ía no camión non necesitaba asistencia sanitaria.
Sobre as 8,45 horas os Bombeiros de Betanzos sinalaron que o camión que transportaba leite quedara fóra da calzada, pero facía falta baleirar a cisterna e mobilizábase un guindastre pluma para retirar o vehículo accidentado.
