Un centro de saúde de Canarias rexistrou a pasada fin de semana un misterioso episodio: unha cidadá británica acudiu a urxencias por unha forte dor na zona xenital e os médicos acharon no interior da súa vaxina unha tartaruga morta.
A muller, que saíra de festa o xoves e que non se decatou ata horas despois da presenza do réptil no seu interior, non puido concretar como chegara a tartaruga ata a súa vaxina.
Segundo indica o xornal El Día, a paciente sofre unha infección seria. Os médicos, ante o estraño do caso, decidiron chamar á Policía Nacional, que acudiron ao centro de saúde de El Mojón, en Arona.
O tamaño da tartaruga non transcendeu xa que o Servizo Canario de Saúde ampárase na Lei de Protección de Datos.
