Rescatado un home entre toneladas de lixo en Dumbría

O suxeito vivía sepultado en residuos e rodeado de botellas con orín

A Garda Civil ha anunciado este martes que rescatou a un home con síndrome de Diógenes atrapado entre "toneladas de lixo" na súa vivenda na parroquia de Olveiroa, en Dumbría (A Coruña), despois de que os seus veciños, que levaban varios días sen velo, desen a voz de alarma.

"A Garda Civil do Posto de Camariñas interveu despois de que unha veciña alertase de que o home levaba varios días sen recoller o pan", explicou a través dun comunicado a Garda Civil, que apuntou que os servizos sanitarios, xa presentes no domicilio, non podían acceder ao enfermo debido á gran cantidade de lixo.

A patrulla da Garda Civil accedeu entón ao domicilio, onde "a pesar do nauseabundo cheiro a putrefacción", puideron retirar todos os refugallos ata acceder á persoa, quen se atopaba "sen forzas, desorientado, espido e rodeado de botellas de ouriñes".

Unha vez evacuado do seu domicilio, o home, de só 40 quilos de peso, foi trasladado inmediatamente ao hospital Virxe da Xunqueira, en Cee.