Efectivos de emerxencias recuperaron o corpo dun home nun cantil de Areosa, na localidade mariñana de Ribadeo, ao redor das 15.30 horas da tarde deste sábado. Segundo precisou o servizo de emerxencias do 112 Galicia, un particular alertou de que vira un corpo na zona rochosa do cantil da praia.
Desde o 112 informouse a Salvamento Marítimo e a Gardacostas, pero finalmente se puido recuperar o corpo desde terra. Até o lugar desprazáronse bombeiros de Barreiros, protección civil e Garda Civil.
Á espera da identificación do cadáver, os bombeiros apuntaron a que o home podería ter falecido xa hai días, aínda que este extremo non foi confirmado oficialmente.
