Unha nena de dous anos faleceu na tarde deste luns en Conil de la Frontera (Cádiz) tras sufrir un accidente na piscina da casa duns amigos da familia. O Concello decretou dous días de loito oficial.
Os feitos ocorreron sobre as 18.00 horas deste luns cando a nena xogaba con outros nenos e por un descoido acabou na auga, segundo avanzou Diario de Cádiz. Unha vez ocorrido o accidente os pais levárona de urxencia ao ambulatorio situado no Colorado, aínda que finalmente só puideron certificar o seu falecemento.
O Concello de Conil, a través da súa conta oficial de Facebook, recollida por Europa Press, expresou o pésame polo falecemento da pequena e anunciou a declaración de loito oficial nos municipios por dous días.