Un menor de 13 anos foi trasladado ao hospital en Valencia tras ser estrangulado coa súa consetimiento. O motivo? Un reto viral en TikTok, o mataleón ou xogo da morte. O reto consiste en agarrar a alguén por detrás e aplicarlle o mataleón, unha chave de jiujitsu que consiste en estrangular ao rival ata deixalo insconsciente sen osíxeno.
Dous menores estaban no patio dun colexio da capital valenciana cando decidiron realizar o reto, tras velo a través da rede social. O neno, que dera o seu consentimento ao seu compañeiro, esborrallouse tras quedar sen aire.
Afortunadamente, o menor logrou recuperar a consciencia antes de que chegasen os sanitarios, que aínda así o trasladaron ao hospital para realizarlle un recoñecemento.
O profesorado do centro advertiu do perigo de levar a cabo este tipo de retos e levou a cabo unha xornada informativa sobre os riscos desta práctica.
O compañeiro que estrangulou ao outro menor, pola súa banda, quedou moi afectado polo sucedido, e asegurou que a súa intención era realizar o reto "de broma".