O servizo Seprona da Garda Civil investiga as causas da aparición de centos de peixes mortos no encoro de Grandas de Salime, concretamente na beira que pertence ao municipio lucense de Negueira de Muñiz, informaron este martes fontes da Subdelegación do Goberno.
O primeiro aviso pola aparición de peixes mortos foi recibido o pasado venres e unha patrulla do Seprona desprazouse ao lugar para tomar mostras da auga.
Posteriormente, axentes do Seprona volveron recibir aviso da morte de peixes nesa zona do encoro o domingo, entón no municipio lucense de Negueira de Muñiz, polo que os axentes volveron trasladarse ao lugar e comprobaron que o problema esta estabilizado.
De momento, á espera de coñecer os resultados das análises da auga, aparentemente non se perciben rastros de ningunha vertedura e os investigadores non se descartan ningunha hipótese, aínda que privilexian a tese de que a morte masiva de peixes sexa provocada por un problema de falta de osíxeno na auga.
Investigan a morte de centos de peixes en Negueira de Muñiz
O Seprona analiza a auga do encoro de Grandas de Salime, aínda que non parece que haxa ningunha vertedura, polo que non se descarta que sexa por un problema de falta de osíxeno
