Ingresado na Uci un neno de dous anos que quedou atrapado na rede dunha piscina de bólas

O suceso ocorreu nunha gardería de Montilla, en Córdoba

Piscina de bolas. EP
photo_camera Piscina de bólas. EP

Un neno de dous anos está ingresado na Unidade de Coidados Intensivos dun hospital de Córdoba tras quedar atrapado nunha piscina de bólas dunha gardería e perder o coñecemento.

Ocorreu o luns, nunha gardería da localidade cordobesa de Montilla, onde tiveron que practicar exercicios de reanimación cardiopulmonar ao pequeno. Abriuse unha investigación para determinar o ocorrido, e Canal Sur sinala que todo apunta a un accidente. Ao parecer, o neno quedou atrapado polo pescozo nunhas redes da piscina de bólas.

Fontes do Hospital Reina Sofía de Córdoba, onde está ingresado, confirmaron este xoves que o menor continúa este xoves na Uci do centro con prognóstico "reservado".