Un veciño de moaña atópase hospitalizado tras sufrir a picadura dunha avespa velutina. Nun primeiro momento foi trasladado ao centro de saúde, pero ao non experimentar melloría mobilizouse ao helicóptero do 061 para que o recollese de urxencia e o trasladase ao hospital, segundo informa a TVG.
Ao longo da semana retiráronse varios niños de velutina na comarca do Morrazo.
O pasado luns faleceu un home de 53 anos en Tomiño tras sufrir a picadura dunha avespa a pesar dos intentos dos servizos sanitarios por reanimalo. Ata o lugar trasladouse unha ambulancia de soporte vital básico, un equipo de atención primaria de Tomiño e o helicóptero sanitario.