Un home falece tras precipitarse ao mar co seu vehículo en Bueu 

Os medios de intervención continúan a tal hora tratando de sacar o coche da auga

Un home perdía a vida a madrugada deste venres en Bueu tras precipitarse ao mar na zona do porto da localidade, concretamente no espazo no que atracan os barcos que viaxan a Ons. 

Un particular deu a voz de alarma ao redor das cinco da madrugada informando ao 112 de que posiblemente o vehículo tiña un ocupante. De forma inmediata, os xestores do CIAE 112 Galicia contactaron co Servizo de Urxencias Sanitarias, Garda Civil de Tráfico, Gardacostas de Galicia, Salvamento Marítimo, Bombeiros do Morrazo e Policía Local e Protección Civil. 

Unha vez no punto, os axentes da Policía Local comprobaron que o coche atopábase completamente afundido, mentres que os efectivos de Salvamento Marítimo enviaban a dous mergulladores á zona, que puideron comprobar que o único ocupante atopábase falecido. 

Os medios de intervención continúan a tal hora tratando de sacar o coche da auga, xa que se atopa nunha zona de paso de embarcacións. 

As causas do incidente están aínda sendo investigadas.