Ferido tras sufrir unha saída de vía en Oroso

O accidente rexistrouse de madrugada na AC-250, estrada que une o aeroporto de Santiago con Sigüeiro

Os servizos sanitarios de Urxencia trasladaron unha persoa que resultou ferida esta madrugada tras sufrir en Oroso unha saída de vía co vehículo que conducía, informou a central que coordina as urxencias en Galicia.

O accidente rexistrouse na AC-250, estrada que une o aeroporto de Santiago co núcleo de Sigüeiro, e foi o propio afectado o que indicou ao 112 o ocorrido e que se lesionou.

Por mor desta comunicación, avisouse a axentes de Tráfico e a Urxencias Médicas que, unha vez chegaron, viron que a persoa en cuestión estaba nese momento inconsciente no interior do automóbil.


Procedeuse entón á evacuación e traslado ao Hospital Clínico de Santiago. Informouse deste suceso, que se produciu sobre as tres e media da madrugada, ao servizo de mantemento e limpeza da vía.

comentarios