Unha muller sufriu este sábado feridas de gravidade tras caer accidentalmente desde o primeiro piso dun inmoble na localidade pontevedresa de Forcarei, informan fontes de Urxencias 112.
O suceso ocorreu pola mañá no lugar de Sanguñedo, desde onde a muller foi evacuada no helicóptero medicalizado con base en Ourense ao hospital de Montecelo.
O 112 avisou ademais da caída aos axentes da Policía Local e aos membros da Agrupación de Voluntarios de Protección Civil da vila.
